خبرة التضمير والسيطرة على الصحه واللياقه والقوه

في انتظار المعزب وايضا باقي الاخوان ومن سوف يبدئ؟؟ جاري الانتظار

الله يوفق الجميع ومشكورين

افظل مظمرين وبكل سراحه اهل المرموم

مشكورين على هذا الاهتمام الرائع

سلام عليكم شحالكم وربكم بخير عجبني الموضوع وحبيت اشارك في الموضوع الجيد بنسبه لتظمير المطيه

طبعن أول شي مثل مقال القانون جزاه الله الف خير بس اهم شي هوه الحلول تحل المطيه ويوم تتشوفه حتلت زين بعد اسبوع طبعن تعطي ابرة زنبور وعليك بالمساريح عشره كيلو 15 كيلو المسراح زين حق المطيه وتبتدي تدريب المطيه علي حسب لي تشوفه وعلي فكره لا تنسا الفحص وحتا لو مافيه شي عطه ابرة زنبور تراه زينه ولا تنسا سعوط اسعطه وعطه حبوب دودو انا ماعندي خبره طويله ولكن حسب خبرتي ولي اشوفه كذا وعلي فكره عطه جت لا تبخل علي المطيه كانه فطيم وكانه حجه بعد دامك تسرح المسراح يقوي المطيه وسلامتكم ولي عنده خلفيه افضل يشارك ويبين لتا

فكره حلوه بس احست انك تعرضها ع مدير المنتدى

فكره حلوه بس احست انك تعرضها ع مدير المنتدى

تسلم يالهجان ع الفكره الحلوه


واتمنى من الاعضاء التفاعل

الصراحه موضوعكم وايد حلو وعيبني وانا حبيت اعطيكم نبذه عن المقيض علا حسب تجاربي الشخصيه واهم شي للمطيه المقيض المطيه اللي تحصل مقيض عدل تاخذ منها احلا نتائج في الموسم واللي مقيضها تعبان وتتلعوز في المقيض لا ادور من وراها خير اهم شي عند نقض المطيه الادويه الشعبيه الللي هيه الحنا واللومي اليابس والخيل والحبه السودا والثوم والبصل والحلبه وجميع هذي الادويه اللي تنحط في سطل عود وتخيس لمدة اسبوع وبعدها تنعطى المطيه منها يوميا لمدة عشر ايام او اسبوعين افضل ومن ثم تنعطى بعد هذي الادويه دواء الدود وبعده حلول وابرة الزمبور الهندي الحاه وابرة الجرب وبعد 15 يوم من دورا الدود تنعطى مره ثانيه دواء الدود والحلول ومن بعدها تشبع عيشه ويفضل في خلال فترة العلاج هذي لمدة شهر ما تنعطى شعير بعد فترة العلاج بعد الحلول في المره الاولى تنسعط سمن وفي المره الثانيه تنسعط سمن بعد الحلول يركز عليها بالعيشه التمر والجت بنوعينه الخضر واليابس وبعد فترة الشهر فترة الراحه تكون المطيه تمشي فيها مشي بس مساريح خفيفه يوم تكمل 45 يوم تبدا الخبيب شوي شوي واذكر باهمية اللبن من تبدا تخب المطيه تنعطى لبن واذا كانت لقيه وفوق تنعطى لبن 4 لتر يوميا وفي كل يوم جمعه يقطع اللبن وتنسعط سمن كل اسبوع تحصل قرشة ماي صغيره سمن واذكركم بالحلول اول ما تخب المطيه تنحل وكل عشرين يوم تنحل مره لان الحلول يخف بطنها وتطلع العيشه الزايده لانها ما تحفز خلال الفتره هذي ومن يرد الانسان يحفز مطيته الحلول ماله داعي ولا ننسى البي ون والبي كومبلكس والفيتامين سي وبعد شهرين من تاريخ الابره الاولى للجرب تنعطى ابره ثانيه واتمنى انه اللي بيقيض ركابه يخلي عنده دفتر صغير يكتب كل شي فيه لان الانسان ينسى . هذا واتمنى اني اكون فدتكم بتجاربي وهذي الطريقه تجربه ناجحه 200% انا مجربنها والحمد لله وايد نتايجها حلوه

مشكور يالغفلي وفالك البيرق وشوط المليون