₪ الـحـوار الســاخن بين الشباب والبنات ₪

انا رمست وايد لاني حاولت الخص الحلقه للي شافها والي ما شافها انا حابه تعطوني رايكم في اهل الاطفال وشو الاسباب الي يخليهم يعذبون عيالهم والاسباب الي تخليهم يستغنون عن عيالهم ويرموهم في دار الايتام وشو الي مفروض حكومتهم تسويه شو الحلول الي ممكن يتخذونها وليش برايكم وصلنا لدرجة ان الناس تجردوا من الانسانيه

الســـلام عليـكم ورحمة الله وبركاته

انا شفـت لقطــات من البرنامج ومنتـــشر هالشي وأإأيـد فمصــر ..

بالنسبة لسؤالج ..اهل الاطفال وشو الاسباب الي يخليهم يعذبون عيالهم والاسباب الي تخليهم يستغنون عن عيالهم ويرموهم في دار الايتام ..؟!!

انا من وجهـة نظـــري ورايي السبب اللي يخلي الاهالي يستغنون عن عيالهم هو عـدم توفّر المـادة عندهم إذا الاهل يالله يالله يصرفون علـى عمارهم من وين بيدبرون لعيالهم عشـان جي يتبرون من عيالهم من الأساس اذا الواحد مب قادر ليش اييب له عيـال ويعذبهم فالدنيـا في بعض النّـاس يقولون الياهل ايي رزقه وياه صحيح لكن اذا الوضـع المادّي سيئ المفروض ماييبون عيـال ..

وشو الي مفروض حكومتهم تسويه شو الحلول الي ممكن يتخذونها..؟!!

يعينون الفقـــراء اللي حالتهم سيئــة جداً .. والله ماعــرفت فكـــرررت وأإأإيد ماطلع لي شي غير هـذا ><

برايكم وصلنا لدرجة ان الناس تجردوا من الانسانيه ..؟!!

أول شي وقبـل كـل شـيء ضعـــف الوازع الديني لو كان ايمانهم قـوي ماكان فرّوا يهالهم جي القطوة اللي هي القطوة تدافـع عن يهالها اذا حد بغى يضرهم .. السموحة ع هالكلام ..

والله شــــي يحــزن القلـــب يهـــال جي ضايعين مهيتين فالشـوارع ><

تسلميـن " بنت الجابـري " ..