| |||||||
حاولت نسيانك .. وعييت لا انساك ؟؟ لا جيت ابنسى .. ذيب صدري عوى لك ^^
هذه مناقشات في حاولت نسيانك .. وعييت لا انساك ؟؟ لا جيت ابنسى .. ذيب صدري عوى لك ^^ مع ديوانية الاعضاء هذا المنتدى, في [ برزات العزبة العامة ] ; ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ...
18الاعجاب |
| | LinkBack | أدوات الموضوع | انواع عرض الموضوع |
 منذ /07-10-2011, 10:11 PM
| #11 | ||||||
 | 
وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري .............. النوم افضل ما في الحياه اجمل ما فيه انه اذا غض جفنك يخرجك من عالمك ويدخلك عالم ثاني بس القهر ان النوم يخون فيك مرات يخرجك من عالمك ويردك فنفس العالم << لا حووول حتى الحلم ما سلم منكم تصبحون على الف خير ^^
قلبي وحداوي و عيـوؤن كـحآل معجبون بهذا. | ||||||
 |
| منذ /09-10-2011, 11:02 PM
| #12 | ||||
| ايـوه قـلبى عـليك الـتاع مـايـحتمل غـيبتك لـيله عساه عساه ما يرتـــاع علـيك يا نـــافلً جـيلـه غنيت يابو عيون وساع من غيرك اقصد واغنيله معذور لو صرت بك طماع من حبكم مالــنا حــيله ^^
| ||||
| |
| منذ /11-03-2011, 10:52 PM
| #13 | ||||
|  تذكر والا اذكرك يوم كنا انتواعد يوم كانت ايدك تشبك ايديني وحلفنا لو ما يصير ما انتباعد وقلت احبك اكثر من والديني لكني مع الي يصير اتساعد ادري اني وانك فالهوا مغرميني اغلط وتغلط ياخي ليه انتباعد خلك من المعفين والمحسنيني لكن اليوم عزمت المفارق من كثر ما شفت منك ويجيني اشوف زولك يمرني كانك مارد يمرني واطلبه ولا يبيني تدري اني منك ومن حبك فاند وتمسكني من عوقي وتجفيني وتدري اني مع كل جفاك ارد ويهل دمعي واقول تكفى لا تخليني واروح وارد ولا القى غير المصد فارق نعنبو يوماً جمعك فيني ... ... شخابيط كتبتها اتمنى انها تعيبكم فداعة الله ^^
| ||||
| |
| منذ /11-22-2011, 10:55 AM
| #15 | ||||
|
‘ ‘  هل تعلم إن النبي موسى عليه السلام قام بالدعاء على فرعون 40 عاما .. ولم تستجب دعوته رغم تجبر فرعون إلا بعد 40 عاما..! ,, والسبب : فرعون كان شديد البر بأمه وبعد وفاتها استجاب الله دعوة موسى عليه السلام..! سبحان آلله آول مره آعرف هآلمعلومةبفضل بر الأم لم ينزل العقاب على الطاغية فرعون بالرغم أن من دعى عليه نبي . حقاً إن بر الأم ثوابه عظيم هذه القصه جدا روعه فيها العبر ادعى لوالدتك هذا الدعاء اللهم اجعل أمـَي ممن تقول لها النار: { أعبري فإن نورك أطفأ نــاري } وتقول لها الجنه... : { أقبلي فقد اشتقت إليك قبل ان أراك }.. اللهم امين ,, الله يحفظ لنا امهاتنا .. ,,
| ||||
| |
| منذ /11-22-2011, 11:06 AM
| #16 | ||||
|
‘ ‘  يا سائلا .... عن هم قلبي وناره هذي الحقيقه كان تبغي الحقيقه تدري وش اثقل هم واكبر خسارة ان الصديق في يوم يخسر صديقه ,, المشكله انك تعرف !! يا حساره صعب الصديق يخلي منهو خليله وانته تروح بكل فن وشطاره !! ياهيه عذرت ترا ما باليد حيله فارق وخل عنك درووب الندامه تكبر وتنسى وبتقول مليون خيره { أبيات عيبتني وحبيت ارد عليها } فداعة الله ^^
| ||||
| |
| منذ /12-06-2011, 08:07 PM
| #17 | ||||
|
‘ ‘ عندَمَآ تثِق ب آحَد ... بشَكِل كَآمِل بِدون آي شَك فِي آلنهَآيھ سَتحصٌل عَلى نَتيجَتين ... آمآ شَخص مَدىَ آلحَيآھ آو (دَرس مَدىَ آلحَيآهـ) ^^
BLACK CAT و عيـوؤن كـحآل معجبون بهذا. | ||||
| |
| منذ /02-21-2012, 01:39 PM
| #18 | ||||
|
السلام عليكم ورحمة الله وبركاته شحالكم عالعموم بنرد انفت العلوم فهالمدونه محد درابنا لوووول 21-2-2012 طبعن بيكون يوم الثلاثاء يوم عادي مثل كل الايام اروح للمعهد الخوارزمي من الساعه 8 ليييين 12 ونص بس عندي سير طفربي كل ما تاخرت قال لي ابسنت يعلك الخييييييييييييير عيل شالفايده اداوم القهر انه ما يعطيني ليت يعني تاخير << خف علينا يالعنقليزي وطبعن كل التأخير يكون عقب الريوق لاني اسير اتريق فالبيت الشامي وما ادراك ما البيت الشامي المهم ريوقه على كيف كيفكم الي يبا يدل مكانه يدق على 181 ما بيقصرون وياكم المهم والطلبيه لين تخلص ثلث ساعه ولين تاكل ثلث ساعه ولين توقف وتسخن واتسوي رياضه قبل الكلاس عشر دقايق ومسافة الدرب عشر دقايق يعني كله على بعضه ساعه << لو اختصرت وريحتنا اخير اليوم قلت للقروب الي ويايه شرايكم نخلي السير يتريق ويانا ونأخره قالو تم المهم قردنته طول الكلاس الاول آخر شي وافق طبعن كان بيركب موتره حلفت عليه وما صدق المصري ركب المهم يلسته عدالي << طبعن دهان سير عشان شهادة الاي سي دي ال وتم يرطن المصري ويهذرب وعاد منو بيسكته اليوم واللهي السياره كويسه وواللهي انتو كويسين بس ما بتركزوش فالكلاس و و و و الخ .. المهم وصلنا وبند الراديو << طبعن المصري هو الراديو يلسنا وتم يتفلسف فخاطريه لو دريت ما يبتك بس انا كنت اباه يتأخر عن الكلاس اليوم عشان ما يتم يذلنا كل ما نتأخر طلبنا ونفس الروتين الي قلته فوق ويلسنا ساعه والمصري يهذرب وشاد حيله ولا درا بعمره اول ما شاف الفون ياللهوي انتو اييييييييه هو انتو كدا كل يوم قلت له وتلومنا ياستاذ قال يالله يالله اودامي عالسياره كككككككككككككك وروحنا والشباب الباقين يتريون السير فالكلاس ما يدرون انه ويانا هههههههههههههههه اااخ بطني اسميني ضحكت ضحك اليوم المهم هو اضني سار الحمام الله يعزكم ما اعرف المهم انا حدرت الكلاس قبله ويلست مكانه واول ما حدر قلت له ابسنت والمره اليايه ان تاخرت بكتب فيك تقرير خخخخخخخ قال لا واللهي هو انته بتتريأ علينا والا ايه << ما فهمتو ادري بس بالسمع بتفهمونه خخخخ وتمو زاخين عليه الشباب طول اليوم لووووووووووول المهم وخلاف خلصنا دوام وروحت البيت ووصلت الغرفه ودخلت الغرفه وبطلت اللاب وحدرت العزبه ويلست اكتب فالمدونه وكتب القصه ووصلت لهنقطه . << اقصد هالنقطه والقادم اعضم افكر اكتب بعض المواقف ايام الجاهليه اقصد ايام الطفوله بس على حسب المتابعين اذا كان شي تقييم وتفاعل بنكتب واذا ماشي يمدحون برزة الالعاب فالحين نفلع ونهدي ونهذرب والى الامام بيت بيت دار دار عزبه عزبه << ياعرب الله ما لاحظتو الوليف شوي استخف يالله بحسن الخاتمه تمسون على خير
| ||||
| |
| منذ /02-23-2012, 12:31 PM
| #19 | ||||
| 23-2-2012 طبعاً قبل لا ابدى بأي شي كل الشكر لبلاك كات و اتعبني الحب و عيون كحال على الاعجاب وشكراً عالمتابعه نعود الى محور حديثنا بديت اليوم بكسل غير طبيعي خمول لدرجه اني تعايزت ابند المنبه والمنبه عدالي << عنبو هالعيازه خخخ لولا ابويه الله يطول بعمره ودقاته الرقيقه عالباب خخخ والا ما بنش طبعن فهمتو شو اعني بالدقات الرقيقه قلت له ابويه الله يهديك داخل تحارب قال قم وتريق واقبض الدرب صوب دوامك لوووول طبعن ما ينفع ويانا الا هالطبع والا ما بنش الله يطول بعمارهم وعمار والديكم عالعموم وصلت الكلاس وانا مدوخ خذيت لي نسكافيه واعتدل المزاج ونسيت ان اليوم علي امتحان بس الحمدلله ابشركم نجحت فيه ويبت 921 من 1000 هالامتحان الي ما توقعت اني انجح فيه لانه عن الوورد والاكسل والبور بوينت وسبحان الله نجحت وبعلامه وايد زينه اما الامتحان الي قبله دارس وداخل الامتحان والمعنويه فووووول والمدرس يقول اتوقع حمد ينجح ومتأكد خخخخ ما اعرف شو صار اعوذ بالله دخلت وتشربكن المعلومات فخاطريه يعلك الخيييير يا ولد عبد الكريم << هذا اسم ابو المدرس ضربني بعين والا شالسالفه المهم رسبت فيه خخخ بس عوضنا فهالامتحان وان شاءلله بيعيدون هالامتحان الي رسبت فيه الاسبوع الياي والحياه حلوه ومستمره ما بتوقف على رسوب والا نجاح بس الأحلى انها تمشي وانته على نجاح ترتاح نفسين لوووول بس ياخي شي قهرني حطو ربيعي الروح بالروح عند واحد ديايه حل الامتحان ولبسه وتم اروحه مبقق عيونه قلت له ليتك عندي فذمتيه ما تطلع الا وانته ناجح يالله خيرها فغيرها بو غنيم وان شاءلله تعوض >.< ويالله يامشاهدين نلتقي على خير في لقائن آخر تشاو
| ||||
| |
|
| مواقع النشر (المفضلة) |
« منّ قــَآل لي ثبــَت ركّــَۈنڪ ،، اقول لهَ : ۈش آثبت - دآم آلسـَآس بدۈيَ .. !*
|
{¬» سجل إعجآبك بمدونه ...! »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 08:23 AM
