حدد المهر!!!!!

اممم اليوم يافي بالي موضوع يديد

هوه عن مهر البنت واتمنا خواتي وخواني الكرام يسعدونا بمشاركاتهم

كم يعني من وجهت نظركم يكون مهر العروس؟؟
كل واحد يبدي رايه

عنا نحن الياسيين ان عرسنا ولا يوزنا خواتنا يكون المهر 100 الف و50 الف صباحه و50 الف مأخر

يلله اتمنا كل واحد يبدي رايه

شوه رايكم لو كل البنات قبلن باللي حدده الشيخ زايد الله يرحمه
مب اخير بدال هالمصاريف اللي مالها اول ولا تالي هههه

عنآآ نحن مثل مآذكرت في موضوعك عن مهر العروس ..،؛



فيه نآس مآيقدرون ع هالمصآريف ..لآآكن تقدر تقول صآر شي الكل مآشي عليه ،،

بالاضآآفه الي المصآريف الثآنيه ..



يعني اللي يبى يعرس ..يبآآله 500 ألف ع الاقل ..


وتسلم ع الطــرح ..*

صدقتي يختيه
بس الفلوس الحين عادي اخيرله بدال ماياخذ مورسدس يعرس بهالفلوس هههه عن البطره

والله لو الكل يمشي ع قول الرسول اقلهن مهرا اكثرهن بركه جان نحن بخير الحين

عموما انا اولا ضد فكره ان المهر يكون مبلغ كبير

مثل150 الف او 200

هذا فوق طاقه المعرس لانه توه بيبدي حياته فحرام من بدايتها ديون ومبلغ خيالي

بس للاسف فزمنا بعض العوايل يبون المنظر ومايهتمون بالجوهر

مايتخبرون عن الريال وهل هو كفوء انه ياخذ بنتهم او لا

للاسف الناس احينه يشوفون مخبى الريال ووين يشتغل وكم راتبه

انا ماانكر ان هالامور مهمه ياغير مب كثر اخلاقه

بس بعد احيانا الريال مايستاهل حد يرحمه خخخ

يعني يقدر ياخذ سياره اخر موديل ومن الوكاله ولا همه سعرها ولا بيعوره قلبه عالمبلغ اللي دفعه

بس اذا ع عروسه حليلها بيقول واااااااااااايد

هههههههه هالزمن عجيب

لاهنت عالطرح

ههههههههههههههههههههههه
سلمتي علا المرور

انا اشوف انه يعتمد على الطرف الاخر
فان كانت البنت بتاخذ من عايلتها وعيال عمها فالمهر يكون معقول والعرس يكون ضمن حدود ميزانيتهم
لكن ان البنت بتاخذ من غير عيال عمها وشخص من قبيله اخرى فانا اشوف ان المهر لازم يكون مكلف والعرس يكون فخم ويصل لحدود البذخ...........
هاذي وجهة نظريه
يعتمد ع منوه الريال؟؟؟؟

مساء الخيرات ..

هو كل عاداته وتقاليده .. واقل مهورهن هي اللي فيها بركه .. قول عائشه ..

ونحن امممم ... مايتعدى 50 الف ... واذا زاد الله يجزاه خير ...

مجتمعنا مايتششرطون بالمهر .. والزواج تقريبا يكلف عندنا يعني مره كككل شي يلا تقول 70 الف .. او 60 الف ...

والله يووووفق كككل اثنين ويسعدههم يارب ...

موضوع طيب ..

كل فتره تتغير امور المهر .. وماشي ثابت ..
يعني حالياً .. الذهب غالي .. وماينحسب ضمن المهر.. تنحط له ميزانيه بروحه على حسب سعره .. والمهر يشمل الاشيا الثانيه،، و يكون ضمن المعقول ..

بصراحه نحن اهلنا مايشترطون ع المعرس مهر محدد .. وثلاث من خواتي قد عرسن والله يشهد ان مصاريفهن الناقصه واللي كان فخاطرهن من زهاب .. دفعه ابوي الله يطول فعمره وبدون مايطلب من الريال وبدون ما يعرفون الناس ..
والحمدالله متوفقات فحياتهن ..

موضوع طيب .. وتشكر عليه يا خوي